Գանատայի Մէջ Հայաստանի Դեսպան Լեւոն Մարտիրոսեան Իր Հաւատարմագրերը Յանձնեց Գանատայի Ընդհանուր Կառավարիչին

This post was originally published on this site

Սեպտեմբեր 12ին, Գանատայի մէջ Հայաստանի Հանրապետութեան արտակարգ և լիազօր դեսպան Լեւոն Մարտիրոսեան, Գանատայի հայ համայքնը ներկաացնող պատուիրակութեան մը ընկերակցութեամբ Քեպէք քաղաքին մէջ կայացած յատուկ արարողութեան մը ընթացքին իր հաւատարմագրերը յանձնեց Գանատայի ընդհանուր կառավարիչ Տէյվիտ Ճոնսթընին։

Դեսպան Մարտիրոսեան Ծնած է 1976ին Երեւանի մէջ: 1997-1999 ծառայած է Հայաստանի բանակին մէջ:

1997ին աւարտած է Երեւանի պետական համալսարանի իրաւաբանական բաժանմունքը եւ ստացած իրաւագէտի կոչում: 2002ին աւարտած է Մեծն Բրիտանիոյ Էսէքս համալսարանի իրավաւանական բաժանմունքը։ Ունի միզագային իրաւունքի մագիստրոս:

2007ին նշանակուած է Հայաստանի վարչապետի օգնական: 2008-2012 թուականներուն եղած է ՀՀ նախագահի օգնական:

2012 թուականի Մայիս 6ին ՀՀ Ազգային Ժողովի պատգամաւոր ընտրուած է համամասնական ընտրակարգով Հայաստանի Հանրապետական կուսակցութեան ցանկով:

Ամուսնացած է, ունի երկու զաւակ:

ՀՀ նախագահի Յուլիս 12ի հրամանագրով նշանակուած է Գանատայի մէջ Հայաստանի Հանրապետութեան արտակարգ և լիազօր դեսպան: