Հորիզոն մետիան պաշտօնական օրգանն է Հայ յեղափոխական դաշնակցութեան Գանատայի Կեդրոնական կոմիտէին: Կը հրատարակուի 28 մայիս 1979-էն ի վեր իբրեւ թերթ եւ 2025էն ի վեր իբրեւ տեսալսողական լրատուամիջոց։
1984-ի դեկտեմբերէն սկսեալ Հորիզոն օժտուած է գրական բաժինով, որ այսօր Սփիւռքի հազուագիւտ գրական բեմերէն մէկը կը հանդիսանայ։
1992-էն ի վեր թերթին մէջ իբր ներդիր լոյս կը տեսնէ անգլերէն-ֆրանսերէն յաւելուածը: Թերթը ունի նաեւ իր մանկապատանեկան յաւելուածը: 2001-էն ի վեր, տարեկան դրութեամբ Հորիզոն կը հրատարակէ իր գունաւոր տարեգիրքը:
Հորիզոն անդամ է The National Ethnic Press and Media Council of Canada (NEPMCC) կազմակերպութեան եւ իր ներկայացուցիչով կը մասնակցի Council-ի ժողովներուն: