ՀՕՄի «Պապայեան» մանկապարտէզը կը բաղկանայ կոկոն (4 տարեկան) եւ ծաղիկ (5 տարեկան) կարգերէն: Աշակերտները կ’ուսումնասիրեն հայերէն եւ անգլերէն գրագիտութիւնն ու թուագիտութիւնը: Իւրաքանչիւր լեզուի տրամադրուած է կէս դպրոցական օր: Կը սկսին ֆրանսերէն սորվիլ ծաղիկ դասարանին: Ծրագիրը հնարաւորութիւն կու տայ աշակերտներուն զարգացնելու իրենց ընկերային, լեզուական, գիտական եւ  թուաբանական հմտութիւններն ու քննադատական ​​մտածելակերպը՝ Օնթարիոյի կրթական նախարարութեան մանկապարտէզի ուսումնական ծրագիրի հիման վրայ:

ՀՕՄի «Գոլոլեան» նախակրթարանը կ’ընդգրկէ առաջինէն ութերորդ կարգերը: Դպրոցը կը դասաւանդէ Օնթարիոյի կրթական նախարարութեան ուսումնական ծրագիրները, ինչպէս նաեւ հայոց լեզուի, պատմութեան, գիտութեան, կրօնի, թատրոնի եւ եւ երաժշտութեան դասընթացքներ: ֆրանսերէնի հիմնական ծրագիրը կը սկսի առաջին կարգէն, շաբաթը երեք (Ա. – Գ. կարգեր) եւ չորս (Դ. – Ը. կարգեր) պահ յաճախականութեամբ:

Իւրաքանչիւր աշնան, Է. եւ Ը. կարգի աշակերտները կը մասնակցին Cedar Ridge բանակավայրէն ներս քառօրեայ բանակումի, զարգացնելու համար իրենց ֆիզիքական, մտային, ընկերային եւ ղեկավարական հմտութիւնները:

«Գոլոլեան» նախակրթարանը ունի երկու երգչախումբեր՝ «Գանձասարի սոխակներ» (Ա. – Գ. կարգեր) եւ «Կռունկներ» (Դ. – Ը. կարգեր) եւ «Արամ Խաչատուրեան» փողերախումբ, որուն մաս կը կազմեն նաեւ երկրորդական վարժարանի աշակերտներ:

Գ. կարգէն սկսեալ, աշակերտները կը մասնակցին մարզական մրցաշարքերու:

ՀՕՄի «Լափոյեան» երկրորդական վարժարանը իր դռները բացած է 2001ին իբր ՀՕՄի երկրորդական վարժարան: 2016ին, անուանուած է ՀՕՄի «Լափոյեան» երկրորդական վարժարան: Ունի Օնթարիոյի կրթական նախարարութեան վարկանիշ շնորհելու լիազօրութիւնը եւ շրջանաւարտնհերը կը ստանան Օնթարիոյի երկրորդական վարժարանի վկայական: Աշակերտները կը հետեւին այլազան դասընթացքներու, ընտրովի՝ իրենց մտադրած համալսարանական մասնագիտութեան հիման վրայ: Հայ գրականութիւնը, Հայ դատը եւ ցեղասպանութեան կրթութիւնը պարտադիր դասընթացքներ են:

Աշակերտները առիթը ունին մասնակցելու արտադասարանային աշխատանքներու՝ ակումբներու եւ գործունէութիւններու միջոցով, ինչպէս՝ աշակերտական խորհուրդը եւ «Արձագանգը» ամսաթերթը:

Հզօր մարզական ծրագիրով օժտուած, աշակերտները հնարաւորութիւն ունին մասնակցելու այլազան մրցաշարքներու եւ զարգացնելու իրենց խմբային եւ ղեկավարական հմտութիւնները:

«Լափոյեան» վարժարանի աշակերտները ունին իւրայատուկ հնարաւորութիւն՝ մասնակցելու երկու փորձառական-ուսումնական ճամբորդութիւններու:

Տասնմէկերորդ կարգի աշակերտները կ’ուղեւորուին դէպի Հայաստան ուր առիթը կ’ունենան այցելելու պատմական թանգարաններ, գրագէտներու տուն-թանգարաններ, պատմական վայրեր, եկեղեցիներ եւ յուշակոթողներ: Աշակերտները առիթը կ’ունենան նաեւ հանդիպելու իրենց տարեկից դպրոցականներու հետ եւ լսելու օգտաշատ դասախօսութիւններ: