ՀՄԸՄ Թորոնթոյի մարզական բաժանմունքը կը հետեւի մասնաճիւղի ընդհանուր նպատակին` ծառայելու համայնքին, քաջալերելով ու զարգացնելով մարզիկներուն ֆիզիքական եւ մտային կարողութիւնները:

Տարիներու ընթացքին, ՀՄԸՄ Թորոնթոյի մարզական անդամացանկը կրած է աճ եւ այսօր կ’ընդգրկէ 250 մարզիկ, բաժնուած 16 խումբերու: Մասնաճիւղը հպարտ է քոնկ-ֆուի եւ ճատրակի մարզերով, որոնց իւրաքանչիւրը կը ղեկավարէ ու կը մարզէ իր համապատասխան մասնագէտը:

Տարբեր մարզաձեւերու հմտութիւններ սորվելու կողքին, մեր մարզիկները նաեւ կը սորվին խումբի մը մաս կազմելու պատասխանատուութիւնը՝ այն նպատակով որ իրենք դառնան մեր համայնքի ապագայ ղեկավարները:

Իւրաքանչիւր խումբ կը կատարէ շաբաթական փորձեր ՀՄԸՄի մարզասրահին մէջ: Խումբերը կը մասնակցին նաեւ Գանատական Leagueերու, ՀՄԸՄ Գանատայի միջ-մասնաճիւղային խաղերուն եւ ՀամաՀՄԸՄական մարզախաղերուն:

Կը մատուցուին հետեւեալ մարզերը՝ մանչերու եւ աղջիկներու պասքէթպոլ, ֆութպոլ, հաքի, վոլիյպոլ, Քոնկ-Ֆու եւ ճատրակ:

A Run To Rememberը, ՀՄԸՄ Թորոնթոյի նախաձեռնութիւն մըն է որ կը նպատակադրէ նշել եւ յարգել հանգուցեալ հարազատներու եւ ընկերներու յիշատակը, հանգանակել բարեսիրական հաստատութիւններու համար եւ քաջալերել առողջ ապրելակերպը:

Գաղափարը եկած է քանի մը նուիրեալ անդամներէ որոնք փափաքեցան իւրայատուկ ձեւով նշել իրենց ընտանիքի անդամներու եւ ընկերներու յիշատակը, որոնք, ցաւօք, հեռացած են այս կեանքէն:

Այս անհատները կը փափաքէին նաեւ դրական ազդեցութիւն գործել եւ օգտակար դառնալ ընկերութեան առ հասարակ: ՀՄԸՄ Թորոնթոյի եւ Հայ կեդրոնի գործակցութեամբ, A Remember To Rememberը շարք մը բարեսիրական կազմակերպութիւններու համար գումար հանգանակած է, ինչպէս՝ The Hospital for Sick Kids, ՀՕՄի «Սօսէ» մանկամսուր, ՀՕՄի Ամէնօրեայ վարժարան:

A Run To Rememberը հիմնուած է 2008ին եւ տեղի կ’ունենայ հոկտեմբերին:

A Run To Rememberի անձնակազմին հետ կարելի է կապ հաստատել գրելով՝`[email protected]